Steppe Closer

2014 оны 9 дүгээр сарын 26-ны өдөр Лондон хотын төвд орших Asia House байгууллага Монгол оронтой холбоотой гурван арга хэмжээг Их Британи дахь Монгол улсын Элчин сайдын яамтай хамтран зохион байгууллаа.

Юуны өмнө өглөө нь Улаанбаатар хотын захирагч Э. Бат-Үүл тус байгууллагын гишүүн бизнесийн төлөөлөлтэй уулзаж мэдээлэл хийлээ.

Орой нь, Монгол Улсаас Их Британид суугаа Элчин сайд Н. Тулга Asia House-т зохиогдож буй Монголын соёл, урлагын өдөрлөгийг нээж үг хэлэв. Улаанбаатар хотын захирагч Э. Бат-Үүл мөн зочдод хандаж үг хэлсний дараа Лондон хотын уран бүтээлчдийн “Нүүдэлчдийн аялгуу” хамтлагийнхан “Тал нутаг айсуй” үзэсгэлэнгийн нээлтэд хүрэлцэн ирсэн зочдод ая дууныхаа дээжээс өргөлөө.

Эцэст нь “Тал нутаг айсуй” үзэсгэлэн энэ үдэш зочиддоо үүд хаалгаа албан ёсоор нээв. Уг үзэсгэлэн 10 дугаар сарын 3-ны өдрийг хүртэл үргэлжилнэ. Бүтээлүүдийг Монголын урлаг соёл Лондонд байгууллагаас дэлгэн үзүүлж байгаа бөгөөд Ж. Өнөрмаа куратор хийнэ. Арга хэмжээний гэрэл зургийг Азаа Студи бэлтгэж байна.

Festiwal Filmowy - Niepokorni, Niezłomni, Wyklęci

Бүгд Найрамдах Польш Улсын Гдынья хотод 9 дүгээр сарын 11-13-нд зохион байгуулагдсан “Үзэн ядалтад өртөвч, үл бууж өгөх, шантрашгүй хүмүүс” хэмээх коммунизмын эсрэг тэмцлийн тухай Баримтат киноны олон улсын 6 дугаар фестивалийн хүрээнд зохион байгуулагдсан арга хэмжээнд Монгол Улсаас тус улсад суугаа Онц бөгөөд Бүрэн эрхт Элчин сайд А.Ганбаатар уригдан оролцов.

Монголд ардчиллыг тогтоохын төлөө тэмцэл, хоёр орны ардчилсан хүчнүүдийн хамтын ажиллагаанд Элчин сайд А.Ганбаатарын гүйцэтгэсэн үүргийг өндрөөр үнэлж энэ арга хэмжээнд урьж оролцуулж байгаагаа айлын тал илэрхийлсэн байна. Фестивалын үеэр зохион байгуулагдсан арга хэмжээнүүдэд Франц, Унгар, Чех, Болгар, Беларусь, Литва, АНУ болон бусад орноос тусгай зочдыг урин оролцуулжээ.

Үзэн ядалтад өртөвч, үл бууж өгөх, шантрашгүй хүмүүс

Бүгд Найрамдах Польш Улсын Гдынья хотод 9 дүгээр сарын 11-13-нд зохион байгуулагдсан “Үзэн ядалтад өртөвч, үл бууж өгөх, шантрашгүй хүмүүс” хэмээх коммунизмын эсрэг тэмцлийн тухай Баримтат киноны олон улсын 6 дугаар фестивалийн хүрээнд зохион байгуулагдсан арга хэмжээнд Монгол Улсаас тус улсад суугаа Онц бөгөөд Бүрэн эрхт Элчин сайд А.Ганбаатар уригдан оролцов.

Монголд ардчиллыг тогтоохын төлөө тэмцэл, хоёр орны ардчилсан хүчнүүдийн хамтын ажиллагаанд Элчин сайд А.Ганбаатарын гүйцэтгэсэн үүргийг өндрөөр үнэлж энэ арга хэмжээнд урьж оролцуулж байгаагаа айлын тал илэрхийлсэн байна. Фестивалын үеэр зохион байгуулагдсан арга хэмжээнүүдэд Франц, Унгар, Чех, Болгар, Беларусь, Литва, АНУ болон бусад орноос тусгай зочдыг урин оролцуулжээ.