Эрх чөлөө, тусгаар тогтнолын төлөө тэмцэгч Тадеуш Костюшкогийн таалал төгссөний 200 жилийн ойд зориулсан үзэсгэлэн Монголын Үндэсний музейд нээгдлээ. Дэлхийн домог, дэлхийн баатар, эрх чөлөө, эх оронч үзэл, ардчиллын билэг тэмдэг болсон энэ хүний амьдрал, 1780-1790 оны үеийн цэргийн дүрэмт хувцас зэргийг харуулсан 24 ширхэг мэдээллийн материалуудтай танилцахаас гадна 1937 онд хийгдсэн “Костюшко Рацлавицед” киног монгол хэлээр үзэх боломжтой юм. Польшийн үндэсний баатар, Америкийн тусгаар тогтнолын төлөө тэмцэгч Тадеуш Костюшкогийн дурсгалд зориулсан энэхүү үзэсгэлэн 2017.12.01 - 2017.12.07-ны өдрүүдэд ажиллана.
