Жоомны толгойг эвтэйхэн тасалчихад долоо хоноод үхдэг. Гэхдээ толгойгүй учраас биш, өлсөж үхдэг юм байна.
♦ ♦ ♦
Хүний түүхэн дэх хамгийн урт аяллыг Оросын сансрын нисгэгч Сергей Авдеев гүйцэтгэжээ. Тэрээр 747 хоногийн туршид дэлхийг 12 мянган удаа тойрч, 500 сая км зам туулжээ.
♦ ♦ ♦
Финланд, Хойд Солонгос хоёрын хооронд ердөө ганцхан улс л оршдог.
♦ ♦ ♦
Богд Зонховын Бодь мөрийн зэрэг номыг 1640 онд Аюуш увш монгол хэлнээ орчуулж байхад “онол” гэсэн монгол үг “практик” гэсэн утгатай байжээ.
♦ ♦ ♦
XIX зууны эхээр Хойд Америкт 60-75 сая толгой зэрлэг үхэр бизон чөлөөтэй бэлчиж байв. Гэвч арилжааны зорилгоор ямар ч хяналтгүйгээр хядаж эхэлснээс болж 1880 он гэхэд тоо толгой нь мянга хүрэхгүй болжээ. Зөвхөн 1870-1875 оны хооронд анчид жилд дунджаар 2.5 сая бизон авлаж байв. Өнөөдөр АНУ-д 30 мянга орчим зэрлэг бизон байна.
♦ ♦ ♦
Одоогоос 850 сая жилийн өмнө неопротерозойн эрин 220 сая жил үргэлжилжээ. Тэр үед манай дэлхий маш хүйтэн байсан учир хуурай газар 6 км хүртэл зузаан мөсөөр хучигдсан байв. Мөс хуурай газрыг байтугай далайн мандлыг хучиж байжээ.
♦ ♦ ♦
Саудын Араб улс жилдээ 40 мянган тэмээ Австралиас импортолж авдаг. Мөн бас тэндээс элс худалдаж авдаг. Тэд Австралийн тэмээний махыг илүү амттай гэж үздэг. Элсний хувьд өөрийнх нь барилга барихад тохиромжгүй аж.
♦ ♦ ♦
Дэлхий дээрх хамгийн том оцон шувуу болох “хаан пингвин” 130 см өндөртэй, 50 кг жинтэй. Гэтэл саяхан эрдэмтэд тэрнээс ч аварга оцон шувууны чулуужсан яс олжээ. 40 сая жилийн амьдарч байсан тэр аварга оцон шувуу хоёр метрээс дээш өндөртэй, 120 кг татдаг байж.
♦ ♦ ♦
Хүн төрөлхтөн саран дээр хөл тавьснаас нэлээд хожуу чемоданы дугуйг сэдэж санаачилсан.
♦ ♦ ♦
Нисдэг загасны олон зүйл байдаг. Тэднээс урт харайгч (латинаар Exocoetus volitans) загасны нислэг бүх рекордыг тогтоосон.
65 км цагийн хурдтай нисэж чадна. Махчин амьтнаас зугтахдаа сүргээрээ 30 секундын туршид агаарт дүүлэхдээ 400 метр хол үсэрдэг байна.
♦ ♦ ♦
Дэлхийн хамгийн алдартай электрон тоглоомын компани “Найнтэндо” анх 1889 онд байгуулагдсан.
♦ ♦ ♦
Өдгөө хүүхдийн малгайны оройг гоёдог бөөрөнхий молцогийг анхлан XVIII зууны үед усан цэргүүд санаачлан өмсдөг байжээ. Учир нь усан онгоц доторх намхан таазанд толгойгоо гэмтээхгүй гэж тэр.
♦ ♦ ♦
Техас мужид Голиаф нэртэй дэлхийн хамгийн өндөр морь бий. 2 метр өндөртэй эл морь өөрөө тонгойгоод өвс зулгааж чаддаггүй учир хошууг нь газар хүргэхийн тулд урд хоёр хөлийг нь унага шиг сөхрүүлж хооллуулдаг гэнэ.
