Ф.Шопен ба 21-р зууны Монгол төгөлдөр хуурын наадам

Ф.Шопен ба хорин нэгдүгээр зууны Монгол олон улсын төгөлдөр хуурчдын наадам ССАЖЯ, Польшийн Элчин сайдын яам, Соёл урлагийн их сургууль, Дуурь бүжгийн эрдмийн театрын дэмжлэгтэйгээр нэгдүгээр сарын 23-28-ны хооронд болно. Уралдаанд БНХАУ, БНСУ, ОХУ тэргүүтэй 30 гаруй төгөлдөр хуурч оролцоно. Шүүгчээр нэрт төгөлдөр хуурч Эва Поблоцка, Шанхайн консерваторийн захирал Зие танг, ОХУ-ын эрхүүгийн Ф.Шопены нэрэмжит консерваторийн захирал, гавьяат жүжигчин А.С.Дурбажева нар шүүнэ. Нээлтийн үеэр төгөлдөр хуурч Эва Поблоцка Шопены бүтээлээс тоглоно.

Эрлийг маргааш үргэлжлүүлэхээр болжээ.

Алтай таван богд ууланд авирахаар яваад сураггүй алга болсон уулчин Л.Болдбаатарыг хайхаар өчигдөр мэргэжлийн уулчид болон Баян-Өлгий аймгийн Онцгой байдлын албаныхан эрлийн ажиллагааг эхлүүлсэн ч үр дүнд хүрч чадаагүй хэвээр байна. Эрлийн багийнхан өнөөдрөөс Малчин уул руу авирч, самналт хийх байсан ч цасан шуурга, битүү манантай байгаа тул авиралтыг эхлүүлэх боломжгүй болжээ.

Бархасын ДОРЖ