Польшийн худалдааны танхимын төлөөлөгчид Монгол Улсад айлчилж буй талаар Монголын Үндэсний худалдаа, аж үйлдвэрийн танхимаас мэдээллээ. Энэхүү айлчлалын хүрээнд өнөөдөр 10.00 цагт МҮХАҮТ-д хоёр улсын худалдааны салбарын талаарх бизнес уулзалт болох аж. Зөвлөх Станислав Погорилог дагалдан Польшийн машин тоног төхөөрөмж, резинэн бүтээгдэхүүн, малын эм үйлдвэрлэгч, барилгын ган бүтээгдэхүүн нийлүүлэгч, тээвэр зуучийн үйлчилгээ явуулдаг компаниудаас төлөөлөгчид ирсэн юм байна. Эдгээр үйлдвэрлэгч Монголын бизнес эрхлэгчдийг ихэд сонирхож, хамтран ажиллах сонирхолтой байгаа бөгөөд энэхүү бизнес уулзалтад ихээхэн ач холбогдол өгч байгаа талаар албаныхан мэдээллээ.