Польшийн Ерөнхийлөгч Монголд айлчилна.

Монгол Улсын Ерөнхийлөгч Ц.Элбэгдоржийн урилгаар Бүгд Найрамдах Польш Улсын Ерөнхийлөгч Бронислав  Коморовски аравдугаар сарын 21-нд айлчлал хийнэ.

Айлчлалын үеэр Ерөнхийлөгч Ц.Элбэгдорж Польш Улсын Ерөнхийлөгчтэй ганцаарчилсан ууулзалт болон албан ёсны хэлэлцээ хийх аж. Мөн УИХ-ын даргаЗ.Энхболд, Ерөнхий сайд Н.Алтанхуяг нар Польшийн Ерөнхийлөгчтэй уулзах юм байна. Түүнчлэн Монгол-Польшийн бизнес форумд оролцох гэнэ. Дашрамд дурдахад, энэ оны эхээр Ерөнхийлөгч Ц.Элбэгдорж Польш улсад айлчилж, харилцаа, хамтын ажиллагааны баримт бичгүүдэд гарын үсэг зурсан билээ.

БНПУ-ын Ерөнхийлөгч Бронислав Коморовскийн товч намтар
Төрсөн огноо:    1952 оны 6 дугаар сарын 4
Төрсөн газар:     Оборники Шлонске хот
Польшийн язгууртан удамтай.  /Бельгийн гүнж Матильдагийн эх Анна Коморовска нь Коморовскийн язгууртан удмынхны нэг юм. Б.Коморовскийн эцэг Зигмунт Коморовски нь Африк судлаач эрдэмтэн, дипломатч байв. Тэрээр Румынд Элчин сайдаар ажиллаж байжээ/
Гэр бүл:         Эхнэр, таван хүүхэдтэй
Боловсрол:
Варшав хотын 24 дүгээр лицей /1971/, Варшавын Их сургуулийг тус тус дүүргэсэн. Түүхч мэргэжилтэй.
Ажилласан байдал:
1977 - 1980         “Слово Повшехне” сонины туслах ажилтан
1982 - 1989        Непоколанов дахь Шашины дунд сургуульд багш
1989 - 1990    Улс төрийн байгууллага, нийгэмлэгүүдтэй хамтран ажиллах асуудал эрхэлсэн сайдын ажлын албаны дарга  
1990 - 1993         Батлан хамгаалахын дэд сайд
1991 - 2010        Сеймийн гишүүн
2000 - 2001        Батлан хамгаалахын сайд
2005 - 2007         Сеймийн Дэд маршал
2007 - 2010        Сеймийн Маршал
2010 оны 7 дугаар сараас БНПУ-ын Ерөнхийлөгчөөр сонгогдсон /Бүрэн эрхийн хугацаа 5 жил/
Улс төрийн үйл ажиллагаа:
1968     Оюутнуудын улс төрийн эсэргүүцлийн жагсаалд оролцож байв
1971     Эсэргүүцлийн үйл ажиллагаанд оролцсон хэргээр анх удаа саатуулагдсан
1980     “Эв санааны нэгдэл”-ийн гишүүн, тус хөдөлгөөний Мазовше мужийн зохицуулагч. Нэг сарын хугацаагаар хоригдсон.
1981 - 1982    Цэргийн байдлын үеээр Явоже дэх хорих газар хоригдож байсан
1982 - 1989    “АБЦ” нууц сэтгүүлийн редактор
1993 - 1994    “Ардчилсан холбоо” намын Ерөнхий нарийн бичгийн дарга
1994 - 1995    “Эрх чөлөөний холбоо” намын Ерөнхий нарийн бичгийн дарга
1997 - 2001    Консерватив Ардын Намын Ерөнхий нарийн бичгийн дарга, Дэд дарга
2001 - 2006    “Иргэний индэр” намын Удирдах Зөвлөлийн гишүүн
2006 - 2010     “Иргэний индэр” намын Дэд дарга